Heb 1 | AAU | STEP | Paraw kokwe God hiykwe enekwei kraiar, seyr yerki senkin senkin non kokwe hromo iwey-om mokwe profet mo woki mon lohruw-a.

a[Jon 1:3]

b[Ap 2:33-34; Kol 1:20; Hi 8:1]

c[Fl 2:9]

dSng 2:7

e2 Sml 7:14; 1 Sto 17:13

fLo 32:43

gSng 104:4

hSng 45:6-7

iSng 102:25-27

jSng 110:1

k[Sng 34:7; 91:11]

Hebrews 1

God so ok, hyo Ney so kueir ma me hok non

1 Paraw kokwe God hiykwe enekwei kraiar, seyr yerki senkin senkin non kokwe hromo iwey-om mokwe profet mo woki mon lohruw-a. 2 Sawk enekwei pariawey omokwe hiykwe hreme kokwe hyo Ney so woki mon lohruw-a. God hiykwe ki o, non o, hyo Ney sohiy so uru so kueir monhre nok, hye kiy-nak-me-iaup, omok enekwei pariawey hiy lousne non omeme sohom mo liaup-uwr lwak e. ^a 3 God so Ney sohokwe God so krai seirpey so panpaniowni, seyr hiykwe orih hiykiaw panapan nuw-wak. Seyr hiykwe non o, ki o, hyo ok ko krai non senkin-aw mesay wayr. Seyr uwrsa mo yor piap me mon mnow-mnow yerki se ma meio kow so meyki hokwe, hiykwe God, Krai Seirpey-ar non so sayar mon kiynak-iwak, nonkumey mon kokwe. ^b

God so Ney hiykwe ensel mo eir mon lwak

4 Ney hiykwe ensel mo eir mon lwak, seyr liy-liy-aw, uru, God hiy hye ma kow hokwe, ensel mo uru mo eir mon lwak. ^c 5 Payhokuaw, God hiykwe hyo ensel prueyn se senkin pase me e,

“Hunkwe hano Ney, enekwei pokon ohokwe hakwe hno Aio po kiy-wak.” ^d
Seyr God hiykwe ensel prueyn se senkin nanpanan ohruw-a pa, “Hakwe hyo Aio lwak ey, sa hiykwe hano Ney lwak ey.” ^e
6 Sawk enekwei, God hiy hyo Ney peyrmawk-ar ko se ki erey me-ha menkin, hiykwe senkin nak-me,

“God so ensel lowpwarowp homkwe hye kwa kampueys me-ihey.” ^f
7 Sawk hyo ensel me ma lohruw-a hokwe, God hiykwe senkin me,

“God hiykwe hyo ensel me kokwe howniy monhre, sa hyo mey-uwr me kokwe ya-pi monhre.” ^g
8 Sawk Ney se kokwe God hiykwe senkin me,

“Hwon king ma lwak hokwe, God ara, senkinaw-aw lwak peyow peyow ey! Hunkwe hno uwrsa me kokwe yerki luw-luw-aw non hiy-wayr.”
9 Hunkwe yor luw-luw-aw mokwe uron-pi ko-ar nuw-wak, sawk hunkwe yor piap me lono way. Sohiy so hokuaw kokwe God, hno God hiykwe hne hno wayh-om mo eir mon po liaup, hne kar ley wel non ma neyr-a-neyr kow non. ^h
10 God hiykwe seyr hyo ney se senkin nak-me,

“Hakamay ara, peyrmawk-ar kokwe ki hokwe mo hwon monhre, seyr hno iha arian non kokwe hunkwe nonkumey me monhre.
11 Ki o, nonkumey o, hehekwe ya lira por ha a, sawk hunkwe senkin-aw lwayr peyow ey, hohkwe laplap ke hieyn ya sopruw kawk a.
12 Hunkwe hehekwe saket ke hieyn ka-lohon-a-lohon ey, seyr hehe kokwe laplap ke hieyn, liy-liy-aw swahya-sow ey. Sawk hunkwe enekwei enekwei liy-liy-aw lwak, seyr hunkwe senkin-aw lwayr peyow peyow.” ⁱ
13 God hiykwe hyo ensel prueyn se senkin me pa,

“Erey kiy-iwak, hano sayar mon, omok ha hno awia me hno sune mon now-pay sune ke lyay ey ke hieyn lyay kow sehe.” ^j
14 Hai, ensel mokwe sawk pay mo? Homkwe niohney yaprue, God so mey me ma meio kow hom non. Hme kokwe seme me-ha, uwrsa God so me-huonok-prosue-yor ke lonok ey me hiymon e. ^k